Chi Song Io

Rit:

E continuo a camminare anche se non sò dove andrò, chi song io?

Chi song io?

Sò ‘nu guaglion’ nat’ ‘mmiez ‘a via, e guaje che aggio passat’ e pò sapè sultant’ Dio, ‘mmiez’ ‘a sti viche che cammin’ tutt’ ‘e juorne trov’ semp’ cchiù fuoss’

che zomp’ e rizomp’ e car’ e po’ ‘m'aizo.

Juorne ‘pe Juorne aggio ‘mparato che ‘a pazzià co ‘ppiomb’ sicur’ nun staje a galla,

pecchè ‘a fine affunne. ‘O fuoco coce, l'acqua ti rinfresca ma ‘a ‘na cosa tè‘a stà accort‘:

e sord’ ‘ca te fanno fess!..lievete ‘o scuorno, arricuordate ‘ca si omm’,

cammin’ e nun da retta ‘cchiù a nisciuno manc’ ‘a chi ti stà vicin’

pecchè po’t’’o mette ‘nculo e tu ncè crire ancora.. che t’ha lassato a sulo..

Rit:

E continuo a camminare anche se non sò dove andrò, chi song io?

‘E persone che aggio perso ne sò tante,ma me port’ tutte quante ncopp’ e spall’

pecchè sò ‘a cosa important’ e chesta vita ca continua ‘ncopp’ ‘a stu filo fine,

infine guardo ma nun veco maje ‘o traguardo e chesta vita che sospira, ma e cose belle stanno dint’.. e chi se scorda...cià Francè, salut’ ‘a ‘tte pecchè si l'urdeme e sta lista triste

de cumpagn’ ca sò state mise ‘ncroce comme ‘a Cristo, nun ‘m’avvilisco

pecchè ‘ncopp’ ‘a’na sagliuta già saccio che tu m'aiut’,pur ‘ncopp’‘a ‘na caduta,

guard’ ‘nciel’ e sì trasut’ dint’ ‘a stella ‘cchiù bella e stu cielo apierto e Caserta ..grande Nero..

Rit:

E continuo a camminare anche se non sò dove andrò, chi song io?

‘E femmene sò tante, ma una sola è stata ‘a cchiù ‘mportant’, io t’aggio dato ‘o core, l'anema, l'ammor’ e tu? Sulo dulore,me fatto vedè ‘o munn’ in bianco e nir’,

senza culore.Tutt’ chell’ che restava tra nuje era sulo rancore. Quanta nuttat’ scetat’,

‘sti sigarette studat’ ‘ncopp’ ‘a stu core ormai bruciato io me sentevo ‘ntrappolat’.

Sangue, suror’, lacrime, quanta cose aggio cacciato. Chiammateme fess’,

chiammateme scem’ o forse sulo ‘nnammurat’..femmena bastarda, caina, fauza,

me fatt’ cammenà ‘pe ‘n’ann’ scauzo ‘ncopp’ ‘a ‘sti strade cavere! ‘A ‘raggia, ‘a gelusìa, chesta nun è ‘a vita mia!!’E cumpagn’ che dicevano: “mo basta, lassala ‘ji’

Rit:

E continuo a camminare anche se non sò dove andrò, chi song io?

Ma ora basta! Guardo dritt’ nun ‘m'avvilisco, me piace ‘o rischio ma nun ‘m’ammesco

ca gente che s’ammesca e và facenn’ sul’ fischi, ogni imprevisto pe ‘mmè è ‘na strada nova che conquisto, ma nun saccio maje comm’ reagisco annanze ‘e scese facili e liscie

che pare che staje ‘a fine, ma staje ancora all'inizio! ..Chi song ìo??

Song’ Uno comm’ ‘a tant’!!